انت لسه بتفكر خش وشوف بسرعة

مقاول خذ عرض بناء كنيسة
المهم جاب العمال و هما بيبنوا بقوا يغنوا
صلوا على النبي ، هيلا هيلا ، صلوا على النبي
جا المقاول قلهم انتوا مجانين احنا نبني في كنيسة
دلوقت يمنعونا ويتخرب بيتنا ، محدش يغني ... قاموا سكتوا
تاني يوم جة لقاهم بيغنوا
بص على الحيطة ، هيلا هيلا ، بص على الحيطة
قام باصص ع الحيطة .. لقاهم كاتبين
صلوا على النبي ، هيلا هيلا ، صلوا على النبي

محشش ساب حتة حشيشة في البيت و نزل
و عندة 3 كلاب .. المهم لما رجع فتش على الحتة ملقهاش
قال مفيش غير كلب من الكلاب دول خذها !! طب يعرف ازاي
قام جاب الكلب الاول و غناله .. ياليل يا عيييني يا لييييل
قام الكلب هوهو و كان حيعضة .. قال لا مش هوة
جاب الكلب الثاني وقام يغنيلو .. ياليل يا عيييييني يا لييييييل
قام الكلب هوهو و قام يعضة .. قال لا ما فيش غيرة
جاب الثالث و بكل انسجام وطرب غناله
ياليلييييييييييي يا عينييييييييييييييييييييييييي يا ليل
قام الكلب ضحك وقال هاو هاو هاااااو .. نا تن تررن تررن نااااا .. هاو هاووو

ست ركبت اتوبيس و هي شايله ابنها الصغير
جت تدفع التذكرة الكمسري اتخض أول مابص للولد و قال
اللهم احفظنا ، انا عمري ماشفت عيل وحش كده
غطيه ياست حرام عليكي
الست زعلت قوي و قعدت في كرسيها تعيط بحرقه
الراجل اللي جنبها سألها مالك يا مدام بتعيطي ليه ؟
قالت له الكمساري ده ماعندوش دم قل أدبه عليا و انا خفت أرد عليه
قال لها تخافي تردي ليه ؟ الأتوبيس مافيهوش رجاله؟
ردي عليه و لو فتح بقه بكلمة نخرشمه
قالت له عندك حق أنا هاروح ابهدل كرامته
قال لها : عداكي العييييييب
شيلي النسناس بتاعك بقي علشان تعرفي تتخانقي براحتك

مرة واحد بيقول لمراته: اعملى محشى
فقالت له: ما بعرفش .. قال لها: ماليش دعوة
راح الشغل ورجع لقى السفرة مليااااااااانة محشى
قال لها: مين اللى عمله؟
فقالت: معرفش .. فأشتكى للبواب
!! البواب رد وقاله: مش جايز الشقة ديه مسكونة يا بيه
فقال له: لاياعم أنا هروح شقة حلوان
طلع الشقة لقى العفش جاهز ومتوضب
وهو نازل لقى أربع عفاريت بيغنوا: هنروح حلوااان هنروح حلوااااااان

مرة واحد متجوز واحدة خاينة وفى يوم رجع من الشغل بدرى
فمراته سمعت صوت الباب فقالت للراجل اللى معاها استخبا فى الدولاب
ولما جوزها دخل عليها الأوضه
لقاها متغطية وعماله تقول آه يا بطنى آه يا بطنى
فجوزها بيفتح الدولاب عشان يجيب الدوا لقا راجل راح ضربه على وشه
وقاله أنت سايب مراتى عيانة وقاعد تلعب استغماية فى الدولاب

مره حرامي سرق فرخة وراح يكلها على شط النيل
فشافه عسكري وقل له مسكتك ياحرامي الفراخ
والريش جنبك اهو
فقال له الحرامي لا ياشاويش دي نزلت تستحمى
وقالت لى خلي بالك من هدومي

مره واحد راح لمدير سينما قالو انا مراتى جوه مع واحد صاحبها
انا هدخل اجبها قال له لا انا هدخل اجبهالك انا مش عاوز شوشره
دخل المدير السينما وقال فى واحد بره بيقول ان مراتو هنا
وقاعده مع صاحبها انا هطفى النور وهى تخرج
طفى النور وولعه لقى السينما فاضيه

مره واحد محشش ماشى فى الشارع لقى عمود عليه يافطه فوق
قال انا لازم اعرف اليافطه دى مكتوب عليها ايه
قعد يطلع على العمود لحد اليافطه لقا مكتوب عليها
(احترس من البويه)

محشش عايز يقول للناس انه بسمع طرب أصيل وكدا
وبحب يسمع وردة وفريد الأطرش .. قام قايل
يا نااااااس ... يا عااااالم ... انا بحب وريد وفردة